اخبار d1اخبار العراق

تدهورت حالتي الصحية قبل الساعة 12 الظهر

تدهورت حالتي الصحية قبل الساعة 12 الظهر جان اروح لمستشفى الرمادي العام اخذو الموبايل بمدخل المستشفى الرئيسي حتى المراجعين ميصورون شنو يصير جوه وصلت الاستشارية بعد معاناة سالت عن الباصات كالولي يم المدخل الرئيسي للمستشفى يا ويله من الله السوه هاي الشغلة ودفعهه هالدفعة بعد معاناة وصلت الاستعلامات وكصيت باص ب 3000 دينار وهاي خطيه الشياب والعجايز والمرضى يشحطون بأنفسهم شحط عالباصات وجان اروح للباطنية كالولي روح للجراحية احتمال زائدة رحت للجراحية تقريبا الساعة 12 وربع الطبيب طالع كالولي روح للمسالك البولية اقرب للجراحية المهم رحت كلي روح للجراحية كتله ماكو طالع كتبلي على تحليل رحت للمختبر الساعة 12 وثلث تقريبا معزل ميستلم تحاليل بس يسلم جان اروح للطوارى حولوني لمختبر الطوارئ طلع التحليل بعد الساعة الواحدة رجعت للطوارى كالولي روح للاستشارية احنه منكدر نسويلك شي رحت ماكو احد السماء والطارق دخت وين اروح هاي اجر بنفسي كوه يعني والله الصاحي يتمرض على هاي الاجراءات الصعبة والشاقة اخير شي طلعت من المستشفى واستقرضت جم فلس ورحت لعيادة خارجية تحاليل وسونار وعلاج حطيت فوك 100 الف الحمدلله طلعت حصو ورمل والتهاب مجاري مو زائدة جان انفجرت وكتلتني.

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى